Fréttir

En það er nú ekki alveg víst að hið sama verði upp á tengingnum klukkan fimm í dag og því vonumst við enn eftir því að geta haft skólasetninguna í skrúðgarðinum - en ef ekki verður hún í kirkjunni og grill og leikir við eða inni í Veri. Ef við verðum í garðinum er tilvalið að taka með sér stóla og teppi til að sitja á! Sólskinskveðjur

Nú er kominn tími til að huga að skólavistun næsta vetur.Meðfylgjandi er dvalarsamningur/umsókn um vistun í Frístund Grunnskólans á Þórshöfn auk helstu upplýsinga. Vinsamlegst prentið út samninginn og komið til aðstoðarskólastjóra eða komið við í skólanum og fáið hann hjá aðstoðarskólastjóra. Nánari upplýsingar um Frístund má finna hér á vef skólans: http://grunnskolinn.com/fristund-gth/ https://thorshofn.files.wordpress.com/2015/08/dvalarsamningur.pdf.

Til aðstandenda varðandi K3 Skólinn er að taka í notkun nýja kynslóð af Mentor og í byrjun gætuð þið fundið fyrir einhverjum truflunum. Þessi nýja kynslóð mun auka tækifærin til að efla okkar starf og einfalda samskipti.

Grunnskólinn á Þórshöfn verður settur þann 21.ágúst klukkan 17:00. Ef veður verður gott fer athöfnin fram í skrúðgarði bæjarins en verði það í verri kantinum fer hún fram í kirkjunni. Sjáumst hress og kát og vonandi í hinni mestu blíðu Skólastjóri.

Stefanía, Inga, Svanhildur og Mikolaj í Pärnu Dagana 3.- 7.júní eru fjórir nemendur frá okkur þátttakendur í listabúðum hjá vinaskóla okkar í Eistlandi, Pärnu Vabakool.

Skólaslit verða á morgun laugardaginn 30.maí kl.14 í Þórshafnarkirkju. Að þeim loknum verður foreldrafélag grunnskólans með kaffisölu í félagsheimilinu Þórsveri.

Allir velkomnir á glæsilega umhverfisráðstefnu 7.-9.bekkjar í dag kl.12.30.

Á föstudag og laugardag nk mun Háskólalestin koma í Langanesbyggð.Á föstudag munu nemendur í 5.-10.bekk úr Grunnskólanum á Þórshöfn og Grunnskólanum á Bakkfirði sækja sex námskeið hjá lestinni í eðlisfræði, efnafræði, jarðfræði, japönsku, stjörnufræði og vindorku og vindmyllum. Á laugardag býður síðan Háskólalestin öllum íbúum til Vísindaveislu í Þórsveri. Þetta er viðburður sem vert er að líta á - enginn aðgangseyrir - allir velkomnir.

Í dag fór innritun nýrra nemenda fram í Grunnskólanum á Þórshöfn og hér mætti glaður hópur sem innritaðist í 1.bekk fyrir skólaáríð 2015-2016. Við óskum þeim til hamingju og hlökkum til að starfa með þeim næstu tíu árin.