Fréttir

Við óskum öllum nemendum og fjölskyldum þeirra gleðilegs vetrarfrís og vonum að allir njóti góðra og notalegra stunda saman. Á miðvikudaginn verður starfsdagur hjá starfsfólki skólans. Dagurinn verður helgaður vinnu við skólanámskrá í samræmi við nýja menntastefnu Langanesbyggðar. Að vetrarfríi loknu taka við þemadagar þar sem nemendur og starfsfólk leggja hönd á plóg við undirbúning árshátíðar skólans en árshátíðin verður haldin 19. nóvember. Njótið vetrarfrísins!

Nemendur í 7.–10. bekk taka þátt í grunnskólamóti á Laugum þar sem dagurinn hefur einkennst af íþróttum, fjöri og góðri samveru.

Bjartur Guðmundsson, leikari og frammistöðuþjálfi, hélt fyrirlestur fyrir nemendur í 7.–10. bekk þar sem áhersla var lögð á hugarfar, sjálfstraust og vellíðan.

Rögnvaldur Ólafsson og Sigurjón Leifsson frá Glímusambandi Íslands heimsóttu skólann í vikunni, annað árið í röð. Nemendur fengu að spreyta sig á glímu, voru virkir og tóku vel í hana.

Líf og fjör einkenndi skólastarfið á dögunum þegar okkur bauðst enn og aftur að taka þátt í BRAS, barna- og menningarhátíð Austurlands. Yfirskrift hátíðarinnar í ár var Undur og Furða.

Vettvangsferð á Tjörnes.

Þema dagsins hjá miðstigi var sköpun úr efnivið frá náttúru í nærumhverfi. Nemendur fóru á ýmsa staði í bænum, t.d. í kirkjuskóginn og í fjöruna. Það sóttu þau efnivið í sýningu sem sett var upp í bekkjastofunni. Einnig sömdu nemendur ljóð um uppáhaldsstaði sína í nærumhverfinu.

Í dag héldum við upp á dag íslenskrar náttúru. Yngsta stigið fór út í haustveðrið og tíndi litrík laufblöð. Nemendurnir unnu skemmtilega úr þeim, bjuggu til andlitsmyndir og fallegt gluggaskraut sem prýðir nú skólann okkar.