Grunnskólinn á Þórshöfn

Í bókmenntaþema hjá 5. bekk kynntu nemendur sér fræga norræna barnabókahöfunda, æviferil þeirra og bækur. HC Andersen og ævintýrin hans, Tove Jansson og múmínálfana og Astrid Lindgren og allar hennar sögur en Lína langsokkur varð áttræð í fyrra.

Það er alltaf bæði ánægjulegt og gaman að heimsækja Öxarfjarðarskóla en þangað fóru nemendur í 4.–7. bekk í dag. Þar var tekið vel á móti okkur og hófst heimsóknin á ljúffengum morgunverði. Að honum loknum tefldu nemendur skólanna sín á milli og voru allir til fyrirmyndar, bæði í framkomu og þátttöku. Þar sem veðrið lék við okkur enduðum við síðan daginn úti í skemmtilegum boltaleikjum.