Fréttir

Á fimmtudaginn 23.október hlupu nemendur skólans í Norræna skólahlaupinu og eins og sjá má eru hér sannkallaðar ofurhetjur á ferð! Nemendur skólans hlupu 275 km en næstum 90% skólans tók þátt! Á eftir skelltu nemendur sér í bað og hvíldu þreytta vöðva í sundi! Til hamingju með þetta krakkar! Hér má lesa um Norræna skólahlaupið (af vef ÍSÍ) Norræna skólahlaupið fór fyrst fram á Íslandi árið 1984, en allir grunnskólar á Norðurlöndunum geta tekið þátt í hlaupinu á hverju hausti. Markmið - með Norræna skólahlaupinu er leitast við að: Hvetja nemendur til þess að æfa hlaup og auka með því útiveru og hreyfingu Kynna og skýra nauðsyn þess að hreyfa sig, reyna á líkama sinn og stuðla þannig að betri heilsu og vellíðan Keppni: Með Norræna skólahlaupinu er keppt að því að sem flestir (helst allir) séu þátttakendur.

Föstudaginn 17.október var starfsdagur hjá GÞ.Slíkir dagar eru gjarnan nýttar til endurmenntunar en helstu áhersluþættirendurmenntunar síðustu ára eru kennslufræði í fjölbreyttum nemendahópi, læsi og félagsfærni. Föstudagurinn var helgaður lestri og kennslu í fjölbreyttum nemendahópi og hann var sannarlega nýttur vel! Allt starfsfólk skólans sat námskeiðið en nokkrir fyrirlestrar voru haldnir, umræður voru líflegar og það sem var sérlega ánægjulegt, var að stuðningsfulltrúar fengu sérstakan sess í dagskránni, sinn fyrirlestur og umræðutíma á meðan kennarar skólans unnu að lestrarstefnunni. Afar góður dagur sem endaði með starfsmannahittingi þar sem mikið var hlegið, dansað og dásamlegar veitingar snæddar. Sannarlega uppbyggilegur dagur.

Almannavarnir, Umhverfisstofnun, Samband íslenskra sveitarfélaga og Sóttvarnalæknir hafa fengið nokkuð af fyrirspurnum frá leik- og grunnskólum um hvar upplýsingar megi finna varðandi gosmengunina. Almannavarnir gefa út tilkynningar þegar háir mengunartoppar ganga yfir og nauðsynlegt er að fólk haldi sig inni og loki gluggum.

Grunnskólinn á Þórshöfn tekur þátt í lestrarátaki Ævars vísindamanns, og geta nemendur okkar skilað inn lestrarmiðunum hér í skólanum. Átakið stendur alveg til 1.

Grunnskólinn á Þórshöfn mun sýna myndina mánudaginn 13.október fyrir nemendur í 5.- 7.árgangi. Hér má finna nánari upplýsingar um myndina, verkefnið í heild sinni og fleira frá ráðuneytinu. Frumsýning á Stattu með þér Vitundarvakning um kynferðislegt, andlegt og líkamlegt ofbeldi gegn börnum, sem er samstarfsverkefni innanríkisráðuneytis, velferðarráðuneytis og mennta- og menningarmálaráðuneytis, frumsýnir stuttmyndina Stattu með þér. Stattu með þér er ætluð nemendum á miðstigi grunnskóla og gerð í framhaldi af Fáðu já sem framleidd var fyrir nemendur í efstu bekkjum grunnskóla og framhaldsskólum.

Leiksýningin Langafi prakkari er á efa vinsælasta sýning Möguleikhússins frá upphafi, en verkið hefur nú verið sýnt um 300 sinnum frá því það var frumsýnt árið 1999.

Hér má sjá matseðil fyrir október mánuð. Matseðill október 2014