Takk fyrir okkur Öxarfjarðarskóli

Það er alltaf bæði ánægjulegt og gaman að heimsækja Öxarfjarðarskóla en þangað fóru nemendur í 4.–7. bekk í dag. Þar var tekið vel á móti okkur og hófst heimsóknin á ljúffengum morgunverði. Að honum loknum tefldu nemendur skólanna sín á milli og voru allir til fyrirmyndar, bæði í framkomu og þátttöku. Þar sem veðrið lék við okkur enduðum við síðan daginn úti í skemmtilegum boltaleikjum.