Skólasetning

Grunnskólinn á Þórshöfn verður settur mánudaginn 23.ágúst kl.12.00 í grunnskólahúsnæðinu.

Við höfum ákveðið að takmarka fjöldann eins og við getum og bjóða aðeins forráðamönnum nemenda í 1.bekk og annarra nýrra nemenda að koma á setninguna.
Ef einhverjir aðrir nemendur treysta sér ekki einir þá eru forráðamenn að sjálfsögðu velkomnir með.
Á mánudag munu nemendur m.a. fá afhentar skólareglur á blaði til að fara með heim og lesa yfir með forráðamönnum áður en skrifað er undir og skilað inn til umsjónarkennara.

Nemendur mæta í sínar bekkjastofur kl.12.00. Við tökum á móti nemendum í anddyrinu og vísum veginn ef einhver er óviss um hvert á að fara.
Grillaðar verða pylsur í boði foreldrafélagsins og gerum við ráð fyrir að nemendur séu búnir um kl. 13.00.

Það verða skólabílar þennan dag.