Hagnýt hugarþjálfun fyrir meiri hreyfigleði, sjálfstraust og vellíðan

Bjartur Guðmundsson, leikari og frammistöðuþjálfi, hélt fyrirlestur fyrir nemendur í 7.–10. bekk þar sem áhersla var lögð á hugarfar, sjálfstraust og vellíðan. Fyrirlesturinn var stutt og hnitmiðuð útgáfa af þriggja tíma námskeiðinu „Óstöðvandi í topp tilfinningalegu ástandi“. Bjartur ræddi meðal annars um hvernig tilfinningar, líkamsbeiting, athygli og innra samtal geta haft áhrif á líðan okkar og trú á eigin getu.