Grunnskólinn á Þórshöfn

Lestrarhátíð 7.bekkjar

Wed, 10 Jun 2026 19:11:00 +0000

Lestrarhátíð 7. bekkjar fór fram í maí en hún hefur verið fastur liður í skólastarfinu um nokkurra ára skeið. Markmið hátíðarinnar er að efla áhuga nemenda á ljóðum og íslenskum bókmenntum ásamt því að þjálfa kynningar- og tjáningarfærni.

Skólaslit og útskrift 2026

Fri, 29 May 2026 08:33:00 +0000

Í dag slítum við Grunnskólanum á Þórshöfn í nítugasta og þriðja sinn og útskrifum átta nemendur. Athöfnin hefst kl. 17:00 og verður haldin í Þórsveri. Skólahaldi lýkur í dag um hádegi, að loknu pylsuveislu í mötuneytinu. Nemendur mæta svo aftur fyrir kl. 17:00 ásamt fjölskyldum sínum.

Ævintýraheimur norrænna barnabóka í 5. bekk

Sun, 24 May 2026 15:53:00 +0000

Í bókmenntaþema hjá 5. bekk kynntu nemendur sér fræga norræna barnabókahöfunda, æviferil þeirra og bækur. HC Andersen og ævintýrin hans, Tove Jansson og múmínálfana og Astrid Lindgren og allar hennar sögur en Lína langsokkur varð áttræð í fyrra.

Takk fyrir okkur Öxarfjarðarskóli

Fri, 15 May 2026 15:45:00 +0000

Það er alltaf bæði ánægjulegt og gaman að heimsækja Öxarfjarðarskóla en þangað fóru nemendur í 4.–7. bekk í dag. Þar var tekið vel á móti okkur og hófst heimsóknin á ljúffengum morgunverði. Að honum loknum tefldu nemendur skólanna sín á milli og voru allir til fyrirmyndar, bæði í framkomu og þátttöku. Þar sem veðrið lék við okkur enduðum við síðan daginn úti í skemmtilegum boltaleikjum.

Skipulag skólaársins 2026–2027

Thu, 14 May 2026 07:52:00 +0000

Nú er unnið að viðgerðum og breytingum á húsnæði grunnskólans. Stefnt er að því að hægt verði að flytja inn í haust í þann hluta húsnæðisins sem þá verður tilbúinn. Yngsta stig og miðstig munu flytja þangað. Bekkjastofur yngsta stigs verða áfram í Kumblavík og Ártúni. Bekkjastofur miðstigs verða í Læknesstöðum og Fonti (textílstofa og fundarrými). Bráðabirgðaaðstaða fyrir starfsfólk verður sett upp í holinu við anddyrið eða á Skálum. Kennsla í smíðum og textíl verður í Höfða (smíðastofunni). Frístund verður í Þórsveri, þar sem yngsta stigið er núna. Elsta stig verður áfram í Kistufelli.

Kiwanis sendi 1. bekk hjálma

Thu, 14 May 2026 07:14:00 +0000

Kiwanisklúbburinn á Húsavík sendi nýverið nemendum í 1. bekk reiðhjólahjálma. Markmið gjafarinnar er að efla öryggi barnanna í umferðinni og hvetja til öruggra ferðavenja. Nemendur voru afar ánægðir með hjálmana og kunnum við Kiwanis kærar þakkir fyrir þessa mikilvægu gjöf.

Kapla kubbar í leik og námi

Tue, 05 May 2026 12:45:00 +0000

Kapla kubbar eru úr viði og allir í sömu stærð, sem gerir börnum kleift að byggja margvísleg mannvirki, turna og mynstur. Þeir henta bæði í frjálsum leik og skipulögðum verkefnum. Markmið er m.a. að efla sköpunargáfu, einbeitingu og samvinnu. Hér eru nokkrar myndir frá yngsta stigi þar sem unnið var með Kapla kubba: Myndir hér í myndasafni

Lausar stöður til umsóknar

Wed, 22 Apr 2026 12:25:00 +0000

Grunnskólinn á Þórshöfn auglýsir eftir kennurum skólaveturinn 2026-2027

Skákiðkun í fullum gangi

Wed, 15 Apr 2026 19:34:00 +0000

Þrír nemendur úr skólanum tóku þátt í svæðismóti í skák á Akureyri síðastliðinn föstudag. Fram undan er áframhaldandi keppni en skólinn mun taka þátt í Íslandsmóti skólasveita í skák sem fer fram í Reykjavík næstkomandi föstudag. Sveitin er skipuð f...

Starfsfólk á skyndihjálparnámskeið

Wed, 15 Apr 2026 19:23:00 +0000

Starfsfólk grunnskólans tekur nú þátt í skyndihjálparnámskeiði sem haldið er á tveimur dögum í apríl. Hluti starfsfólks hefur þegar lokið námskeiðinu en annar hópur sækir það næstu helgi. Markmiðið er að efla viðbragðsgetu starfsmanna og tryggja öryggi nemenda og starfsfólks innan skólans. Á námskeiðinu fá þátttakendur bæði fræðslu og verklega þjálfun í fyrstu hjálp, þar á meðal viðbrögð við slysum og notkun hjartastuðtækja.

Laus störf skólaárið 2026–2027

Wed, 25 Mar 2026 17:39:00 +0000

Í Grunnskólanum á Þórshöfn stunda um 50 nemendur nám í nánu og traustu skólasamfélagi.

Skólablað nemenda í 7.bekk í valáfanga

Thu, 19 Mar 2026 11:26:00 +0000

Nemendur í 7. bekk unnu að skólablaði í valáfanga sem lauk í þessari viku. Í blaðinu eru greinar, viðtöl og QR-kóðar sem bjóða upp á skemmtilega og fjölbreytta upplifun. Skólablaðið er nú aðgengilegt hér á heimasíðu skólans

Syrpa þemavikna

Sat, 07 Mar 2026 09:20:00 +0000

Í skólanum stendur yfir samfelld syrpa af þemavikum þar sem ólík viðfangsefni eru í forgrunni skólastarfsins. Þetta skipulag skiptist í þrjá meginhluta sem hver um sig tekur fyrir mikilvæga þætti í námi og alhliða þroska nemenda.

Öskudagur

Fri, 13 Feb 2026 15:51:00 +0000

Skóli fram að hádegi, eftir það rölta nemendur syngjandi um bæinn og skella sér svo á öskudagsball sem foreldrafélagið stendur fyrir

Kaffihús nemendafélagsins

Thu, 12 Feb 2026 16:10:00 +0000

Fimmtudaginn 12. febrúar milli 16.30 og 18.00 í Kistufelli. Veitingar til sölu og fallegur varningur í anda Valentínusar

112 dagurinn

Wed, 11 Feb 2026 21:19:00 +0000

Helstu viðbragðsaðilar á staðnum komu og kynntu starf sitt fyrir nemendum í tilefni af 112 deginum. Fulltrúar viðbragðsaðila sögðu frá mikilvægu hlutverki sínu, sýndu ýmis tæki og búnað sem þeir nota í starfi sínu og svöruðu spurningum nemenda. Heimsóknin var bæði fróðleg og skemmtileg og vakti nemendur til umhugsunar um öryggi og mikilvægi þess að vita hvernig bregðast á við þegar eitthvað bjátar á.

Félagslegir töfrar

Fri, 30 Jan 2026 15:02:00 +0000

Dr. Viðar Halldórsson félagsfræðingur flytur fyrirlesturinn Félagslegir töfrar í Kistufelli á mánudagsmorgun

Þorrablót

Wed, 21 Jan 2026 16:30:00 +0000

Þorrablót grunnskólans verður þriðjudaginn 27. janúar í Þórsveri og hefst kl. 17.00

Gleðileg jól

Fri, 19 Dec 2025 15:15:00 +0000

Við óskum nemendum okkar og fjölskyldum gleðilegra jóla og farsældar á nýju ári. Við hlökkum til að sjá ykkur aftur mánudaginn 5. janúar, kl. 8.10 :)

Eldvarnarfræðsla hjá 3. bekk

Wed, 03 Dec 2025 15:52:00 +0000

Foreldrar barna í 3. bekk mega búast við ítarlegum spurningum um eldvarnir heima fyrir næstu daga. Þetta er kjörið tækifæri fyrir fjölskyldur til að fara saman yfir öryggisatriði heima fyrir.